Ուղղանկյան մակերեսը գտնելու համար պետք է նրա երկարությունը բազմապետկել լայնությամբ։ Այս կանոնը կարելի է գրել բանաձևի տեսքով։ Ուղղանկյան երկարությունը նշանակենք a տառով, լայնությունը՝ b տառով, իսկ մակերեսը՝ S տառով, այդ դեպքում
S = a * b։
Այս բանաձևն անվանում են ուղղանկյան մակերեսի բանաձև։ Եթե ուղղանկյան երկարությունը և լայնությունը չափված են սանտիմետրերով, ապա մակերեսն ստացվում է քառակուսի սանտիմետրերով (սմ2)։ Եթե ուղղանկյան երկարությունւը և լայնությունը չափված են մետրերով, ապա մակերեսն ստացվում է քառակուսի մետրերով ( մ2 )։ Քառակուսին հավասար կողմերով ուղղանկյուն է։ Եթե քառակուսու կողմը հավասար է 3 սմ-ի, ապա նրա մակերեսը հավասար կլինի
S = 3 * 3 = 9 (սմ 2 )։
· Հավասար պատկերները (այսինքը նրանք, որոնք վերադրելիս համընկնում են) ունեն հավասար մակերեսներ:
· Եթե պատկերը տրոհվում է մասերի, ապա պատկերի մակերեսը հավասար է նրա մասերի մակերեսների գումարին:
Հիշենք մակերեսի չափման մի միավորից մյուսին անցնելու բանաձևերը՝
1սմ2=10մմ⋅10մմ=100մմ2
1մ2=100սմ⋅100սմ=10000սմ2
1կմ2=100000սմ⋅100000սմ=10000000000սմ2
Առաջադրանքներ
1. Հաշվել այն ուղղանկյան մակերեսը, որի երկարությունը 16սմ է, իսկ լայնությունը 4 անգամ փոքր է երկարությունից:
2. Ունենք երկու ուղղանկյուններ, որոնց մակերեսները հավասար են: Առաջին ուղղանկայն երկարությունը 14սմ է, իսկ լայնությունը 4սմ: Մյուս ուղղանկյան լայնությունը 7սմ: Գտնել երկրորդ ուղղանկյան երկարությունը:
3. Ինչքա՞ն է այն հավասարակողմ հնգակյան կողմը, որի պարագիծը հավասար է այն ուղղանկյան մակերեսին, որի երկարությունը 4սմ է, իսկ լայնությունը 10սմ: